Bókun og staðfesting
Pláss eru bókuð í tölvupósti á moseleinangrun@gmail.com. Til að tryggja pláss þarf að greiða staðfestingargjald að fjárhæð 50.000 kr. Staðfestingargjaldið dregst frá heildarverði dvalar og er ekki endurgreitt ef eitthvað kemur upp á í innflutningsferlinu.
Greiðslufyrirkomulag
Hægt er að velja á milli kröfu í heimabanka og raðgreiðslusamnings við SaltPay. Raðgreiðslur standa þeim til boða sem eru með íslenskt kreditkort. Hægt er að dreifa greiðslum á allt að 36 mánuði.
Greiða þarf dvölina að fullu í síðasta lagi daginn eftir komu dýrs í stöðina.
Verð og skráning í Dýrauðkenni
- Einangrun hunds: 220.000 kr. Frá 1. janúar 2027 verður verðið 260.000 kr.
- Einangrun kattar: 110.000 kr. Frá 1. janúar 2027 verður verðið 150.000 kr.
Skráningargjald í Dýrauðkenni, 2.500 kr. fyrir hvert dýr, bætist við heildarverð einangrunar.
Breyting á komutímabili
Hægt er að færa dýr milli holla með því að láta Mósel vita með að minnsta kosti tveggja vikna fyrirvara. Berist tilkynning með skemmri fyrirvara verður fullt gjald innheimt.
Innifalin þjónusta
Innifalið í verði er akstur frá flugvelli, umhirða, fóður og eitt bað og blástur fyrir útskrift. Þurfi dýr sérstaka meðhöndlun vegna sýkingar greiðir eigandi hana sérstaklega.
Akstur og aukagjöld
- Akstur frá flugvelli á tímabilinu kl. 21:00–07:00 kostar 35.000 kr. aukalega.
- Boðið er upp á akstur dýra til Reykjavíkur að einangrun lokinni, óski eigandi eftir því. Gjald fyrir þá þjónustu er 20.000 kr.
Áhætta við innflutning og lenging dvalar
Eigendur þurfa að gera sér grein fyrir þeirri áhættu sem fylgir innflutningi gæludýra. Dvöl dýrs getur verið lengd ef grunur vaknar um sýkingu eða smitsjúkdóm. Eigendur eru hvattir til að kynna sér gildandi lög, reglugerðir og leiðbeiningar Matvælastofnunar (MAST) um innflutning og einangrun gæludýra.
Tryggingar
Samkvæmt skilmálum Mósels er ekki hægt að tryggja dýrið sérstaklega á meðan á dvöl stendur. Við útskrift fær eigandi útfyllt tryggingavottorð fyrir sitt tryggingafélag.
Samþykki skilmála
Með bókun pláss telst eigandi hafa samþykkt skilmála Mósels. Hafðu samband áður en bókað er ef þú hefur spurningar.
Skoða verðskrá ↗